Transcription
1
Monsieur, j’ay receu vostre lettre du vingt et neufviesme
2
du passé, vous remerciant très humblement la
3
bonne souvenance qu’avés de moy et vous dirès
4
que ceulx de la Religion de ce pays font
5
coure le bruyt qu’ilz doibvent partir ung jour
6
de ceste sepmeyne pour aller en Flandres et
7
veullent prendre le chemyn au port d’Allouettes.
8
Ilz dise que monsieur de Montbrun les mène.
9
Ceulx de Vivarois se doibvent venir joindre
10
avec heulx. J’ay parlé à homme qu’il n’y a que
11
douze jours qui est party de la court
12
et laissa le roy à Mardrit qui s’en
13
alloyt à Sainct-Germain et à la forestz de Lyons,
14
monsieur le mareschal de Dampville estoyt
15
avecque luy. L’on pence que monsieur le mareschal
16
de Montmorancy reviendra bien tost.
17
Monsieur le comte de Ventadour a esté
18
en Angleterre et est de retour en Lymosin
19
et doibt pour la fin de la sepmayne à La Voulte.
20
Ilz disent qu’il doibt faire quelque voyage
21
mais je ne l’ay peu scavoyr. Il m’a bien
22
[v°] mandé que me vera bien tost. Madame de
23
Joyeuze est de retour et à ce que disent
24
l’on a espoir qu’on ne sera pas
25
sy tost à la guerre qu’on pence. Monsieur de
26
Portes m’a escript que monsieur de Sainct Geran
27
c’est embarqué à Marcielle pour aller à Romme
28
et qu’il espère estre bien tost de retour.
29
Ceulx de Crest, les catholicques, sont en grand
30
poyne de ce que ceulx de la Relligion veullent
31
estre en aussy grand nombre à la garde du
32
chasteau qu’eulx et me doubte monsieur, sy n’y
33
pourvoyés, qu’il y pourroyt avoyr quelque
34
émoction. Les nopces du filz de monsieur de
35
Chassenaige et de madamoyselle de Suze
36
se doibvent faire le sixiesme de ce
37
moys. Je n’en n’ay sceu aultres nouvelles. Monsieur
38
de Suze a esté voyr le mesnage que la
39
gresle a faict à Montdragon , qu’est la
40
chose la plus horible de quoy l’on ouye
41
jamais parler , car il n’y a laissé couverte
42
maison qu’il ne soyt eifondré et l’y avoyt
43
[f° 271] pierre que pesoyt treize, quatorze et dix sept
44
livres. Il est vray que cella n’a poinct touché à deux
45
gectz d’arc hors de la ville. Madame et madamoyselle d’Ourche
46
allèrent coucher vendredy à Sainct-Gervais
47
et pence que suz la Magdeleyne, madamoyselle
48
d’Ourche vous yra trouver, de quoy elle a bonne
49
envye. Monsieur, quant il vous plaira que
50
je vous garde ung oyseau, j’ay ung homme
51
tout prest pour l’aller quérir, que sera la fin,
52
après vous avoyr supplié me commander
53
votre vouloyr pour icelluy toute ma vie hobéyr d’aussy
54
bon cueur que la dame de séans et moy nous
55
recommandons très humblement à votre bonne grace, priant
56
Dieu
57
Monsieur, qu’il vous aye en sa garde. De votre maison
58
de Montoyson, ce XIIIe de juilhet 1572.
59
Votre très humble et aubéisant
60
servyteur
61
Montoyson.